राष्ट्रीय लोक अदालत वास्ते विभिन्न सरकारी विभागक पदाधिकारीक संग भेल बैसार।
दरभंगा, 25 जून 2024 :- जिला एवं सत्र न्यायाधीश सह अध्यक्ष जिला विधिक सेवा प्राधिकार विनोद कुमार तिवारी आगामी 13 जुलाई 2024 कऽ आयोजित होबयवला राष्ट्रीय लोक अदालत वास्ते विभिन्न सरकारी विभागक पदाधिकारीक संग समीक्षात्मक बैसार कयलनि।
ओ कहलनि जे अपन विभागसऽ संबंधित मुकदमामे पक्षकारक संग प्रि-काउंसलिंग करू। प्रि-काउंसलिंगक दौरान पक्षकार के लोक अदालतक रस्ते विवाद निपटारा करयबाक फायदा बताबू। प्रचार-प्रसारक हरसंभव प्रयास करू।
ओ कहलनि जे राष्ट्रीय लोक अदालतक माध्यमे बेसी सऽ बेसी मामलाक निपटारा करयबाक लेल हरसंभव कदम उठाऊ।
जिला विधिक सेवा प्राधिकारक सचिव रंजन देव कहलनि जे प्रि-काउंसलिंगक पश्चात मुकदमाक सूची कार्यालयमे अवश्य जमा करू। जाहिसऽ बिहार राज्य विधिक सेवा प्राधिकारक स-समय प्रतिवेदन कयल जा सकय।
बैसारमे श्रम, मापतौल, विद्युत, दूरसंचार आदि विभागक अधिकारी उपस्थित छलाह।
Sitesh Choudhary
Follow Us On Facebook || Subscribe Us On Youtube || Find Us On Instagram ||
Check Us On Pinterest || Follow Us On X (Tweeter)
0 Comments