जिलाधिकारीक अध्यक्षतामे जिला समन्वय समिति एवं जिला स्तरीय समीक्षा समितिक तिमाही बैसारक आयोजन भेल।
मधुबनी : 27 June 2024: जिलाधिकारी अरविन्द कुमार वर्माक अध्यक्षतामे समाहरणालय स्थित सभागारमे जिला समन्वय समिति एवं जिला स्तरीय समीक्षा समितिक तिमाही बैसारक आयोजन कयल गेल।
बैसारमे जिलाधिकारीक द्वारा सीडी अनुपात, एसीपी उपलब्धि, केसीसी, केसीसी, एएचडी, मत्स्य पालन, पीएमईजीपी, पीएमएफएमई, पीएम स्वनिधि आदि सन विभिन्न मापदंडपर सभ बैंकक प्रदर्शनक समीक्षा कयल गेल।
जिलाधिकारी कम एसीपी उपलब्धिपर नाराजगी व्यक्त कयलाह। ओ उपस्थित सभ बैंक प्रतिनिधियसऽ कम सऽ कम 25% उपलब्धि प्राप्त करबाक निर्देश देलैन। ओ कहलाह जे 2024-25मे 100% एसीपी उपलब्धि सुनिश्चित करू।
जिलधिकारी सभ बैंकक सीडी रेशियोक निर्धारित लक्ष्यके कोनो हालमे प्राप्त करबाक निर्देश देलैन। एलडीओ, आरबीआईक द्वारा 100% डिजिटलीकरणक लक्ष्यके हासिल करबाक निर्देश देल गेल।
बैसारमे राजनगर विधायक रामप्रीत पासवान, डीडीसी दीपेश कुमार, एलडीओ संदीप कुमार, रमेश कुमार शर्मा, जीएम, डीआईसीक संग-संग विभिन्न विभाग यथा- कृषि, डेयरी, मत्स्य पालन, पशुपालन, नगर निगमक वरिष्ठ अधिकारी आ बैंक एवं डीसीओक वरिष्ठ अधिकारी उपस्थित छलाह।
बैसारक संचालन गजेन्द्र मोहन झा, एलडीएम,मधुबनीक द्वारा कयल गेल।
Sitesh Choudhary
Follow Us On Facebook || Subscribe Us On Youtube || Find Us On Instagram ||
Check Us On Pinterest || Follow Us On X (Tweeter)
0 Comments